‘Alta costura’ filma

Zinemaren eta moda-munduaren arteko harremana aztertze aldera, Cristobal Balenciaga Museoak zinema-ziklo bat antolatu du. Jantziek eta janzkerek presentzia nabarmena duten sei film klasiko emango dituzte, etzi hasi eta uztailera arte; saioak 19:00etan hasiko dira, eta dohainik emango dituzte. Egitasmoan ikusgai izango diren jantziak goi-mailako joskintzako izen handiek diseinatutakoak dira; hala nola, Christian Dior, Givenchy, Yves Saint Laurent, Paco Rabanne eta Cristobal Balentziaga berarenak.

Hain justu ere, estreinako film emanaldian Balentziagaren diseinuak ikusi ahal izango dira, Luis Marquinak 1954an zuzenduriko Alta costura ekoizpenean. Goi-mailako joskintzako areto dotore batean eta sasoiko modelo artean gertatzen da istorioa. Dena ondo doa, Tona modeloak mutil-lagun ohia hilda topatu arte. Poliziak susmagarritzat joko du. Moda-erakusketaren amaieran, ordea, hiltzailea aurkituko dute, ezohiko gertaera bat dela medio. Guztia argituta, Tonak modelo arrakastatsu izaten jarraituko ahal izango du.

Egitaraua
Etzi, otsailak 22: Alta costura (Balenciagaren jantziak). 1954. urtea. Zuzendaria: Luis Marquina.
Martxoak 1: Breakfast at Tiffany’s (Givenchyren jantziak). 1961. urtea.  Zuzendaria: Blake Edwards.
Apirila 26: Arabesque (Dioren jantziak). 1966. urtea. Zuzendaria: Stanley Donen.
Maiatzak 24: Barbarella (Rabanneren jantziak). 1967. urtea. Zuzendaria: Roger Vadim.
Ekainak 14: How to Steal a Million (Givenchyren jantziak). 1966. urtea. Zuzendaria: William Wyler.
Uztailak 12: The Hunger (Yves Saint Laurenten jantziak). 1983. urtea. Zuzendaria: Tony Scout.

X. San Anton Zaldi Lasrteketa (Aritz Mutiozabal)

Hogei zaldi eta zaldunek hartu dute parte gaur goizean X. San Anton Zaldi Lasterketan, eta Jose Manuel Martin lasartearra izan da garaile, Estai behorrarekin. Haren atzetik, bigarren postuan, iazko txapeldun Eneko Urbieta zumaiarra sailkatu da, Iron zaldiarekin, eta hirugarren postuan, berriz, Xanti Telleria lasartearra, Indar zaldiarekin. Urtero bezala, jendetza bildu da Malkorbe hondartzan proba jarraitzera, eta hasiera batean euri langarra ari bazuen ere, ez da izan eragozpen jendea ikustera hurbiltzeko.

Jose Manuel Martin eta ‘Estai’ behorra (Aritz Mutiozabal).

Finala jokatu aurretik lau sailkatze txanda jokatu dituzte, bosna parte-hartzailerekin, lau itzulitara. Txanda bakoitzeko lehen bi sailkatuak finalera sailkatzen ziren zuzenean. Hori horrela, zortzi zaldi eta zaldunez osatutako finala jokatu dute; eta zirkuituari lau itzuli eman beharrean, bost eman dizkiote aurtekngo txapelduna erabakitzeko. Finala lehiakorra izan da, eta parte-hartzailetako bat uretara ere erori da; aurretik bigarren txandan ere antzekoa gertatu da, eta zaldiak itsaso barrura egin du ihes une batez. Azkenik, Martin eta Urbietaren artean egonda garaipena, baina lasartearrak ongi menderatu du zumaiarra azken itzulian, eta ateratako alde txikia nahikoa izan du txapela bereganatzeko.

Bitartean, webgune honetara jo dezakezue:

http://urolakosta.hitza.info

Olentzerok atzo bisitatu zituen eskualdeko hainbat ikastetxe, tartean Azpeitian Ikasberrikoa (irudian)

AIA

Abenduaren 21a, gaur.

• 17:00etan: Olentzero eta Mari Domingiren etorrera. Etxetxon elkartuko dira, eta kantuan egingo diete harrera bi pertsonaiei. Umeek gutunak emateko aukera izango dute plazan.

Abenduaren 23a, igandea.

• 17:00: Zine emanaldia, kultur etxean. Age 4 filma.

Abenduaren 24a, astelehena.

• 09:00: Aiako plazan elkartu, baserritarrez jantzita, eta auzoz auzo eta baserriz baserri eskea, kantuan.

• 17:30: Berriz ere plazan elkartuko dira herritarrak, herrigunean Gabon kantak eskaintzeko.

Abenduaren 26a, asteazkena.

• 11:00-12:00: Ludoteka eta umeen jolasak, kultur etxean.

• 17:00: Kultur etxean, zine emanaldia. Brave filma.

Abenduaren 27a, osteguna.

• 17:00: Kultur etxean, Haran sorginduaren bila filma.

Abenduaren 28a, ostirala.

• 17:00: Kultur etxean, zine emanaldia. Vicky vikingoa.

Abenduaren 29a, larunbata.
Xatur Gaztelekuak antolatuta, Euskal Selekzioaren partida ikusteko irteera. Informazioa eta izen-ematea: kultur etxean.

Abenduaren 31, astelehena.

• 16:00: Haurrek zein helduek San Silbestre lasterketarako izena eman eta dortsalak jaso ahalko dituzte.

• 17:00: Lasterketa hasiko da.

Urtarilaren 2a, asteazkena.

• 11:00-12:00: Ludoteka eta umeen jolasak, kultur etxean.

• 17:00: Kultur etxean, El gato con botas filma.
  ——————————————–

AIZARNAZABAL

Abenduak 21, gaur.

• Goizean: Eskolan, San Tomas.

• 12:00: Olentzeroren eta Mari Domingin bisita eskolara.

Abenduak 22, bihar.

• 18:00: Bolo eta toka txapelketa.

Abenduak 24, astelehena.

• 10:00: Gabon eskean irtengo dira eskola aurretik.

• 18:00: Olentzeroren bisita.
  ————————————————

AZKOITIA

Abenduak 21, gaur.

• Goizean: Olentzero ikastolara joango da. 11:45ean: Haur Hezkuntzako aretoan ikasleek eta Olentzerok Gabon kantak abestuko dituzte.

• 18:30: Bizkargi Musika Eskolako ikasleen emanaldia, Elkargunean.

Abenduak 22, bihar.

• 12:30: Herriko kirolari onenaren, Erakusleiho Lehiaketaren eta Bizenta Mogel Ipuin Lehiaketaren sari banaketa.

Abenduak 23, igandea.

• 10:00: Katturen Oroimenezko Xake Txapelketa, kultur etxean.

• 12:00: XXII. Gabon Kantak, Baztartxon.

Abenduak 24, astelehena.

• 10:30: Jaiotza eramangarrien lehiaketa, Kontzejupean.

• 10:30: Gabon eskean kalean.

• 12:00: Eliz atarian Olentzero.

• 13:00: Musika Bandaren kontzertua, Kontzejupean.

Abenduak 26, asteazkena.

• 16:00/18:30: Pirritx, Porrotx eta Marimototsen emanaldia, Baztartxon.

• 22:00: Placido filmaren emanaldia, Matadeixen.

Abenduak 27, osteguna.

• 11:00-13:00/16:00-20:00: Elkargunean Gabonetako Haur Parkea.

• 11:00-14:00/17:00-20:00: Gabonetako azoka, plazan.

• 22:00: Leo Harlem eta Dani Delacamararen umore saioa, Baztartxon. Sarrerak agortuta daude.

Abenduak 28, ostirala.

• 11:00-13:00/16:00-20:00: Elkargunean Gabonetako Haur Parkea.

• 11:00-14:00/17:00-20:00: Gabonetako azoka, plazan.

Abenduak 29, larunbata.

• 11:00-13:00/16:00-20:00: Elkargunean Gabonetako Haur Parkea.

• 11:00-14:00/17:00-20:00: Gabonetako azoka, plazan.

• 22:00: Txalo Antzerki Taldearen Hil arte bizi emanaldia, Baztartxon.

• 22:30: The sugarballs eta Los Galerna taldeen eta DJ Travisen kontzertua, Matadeixen.

Abenduak 30, igandea.

• 11:00-14:00/17:00-20:00: Gabonetako azoka, plazan.

Abenduak 31, astelehena.

• 13:00: Musika bandaren kontzertua eta kalejira, 13:00etan.

Urtarrilak 2, asteazkena.

• 16:00-18:30: Abarketatxo ludotekan tailerrak (8-12 urte).

• 17:00: Baztartxon zinea.

• 10:30-12:30/16:30-19:30: XI. Gazte Astea Artxamendin.
  ————————————————–

AZPEITIA

Abenduak 23, igandea.

• 17:30:Txapelen Omenezko bertso saioa, Erniarraitz Bertsozale Elkarteak antolatuta.

Abenduak 24, astelehena.

• 12:00: Plaza Nagusian Mari Domingik Olentzerori emateko umeen idatziak jasoko ditu.

• 17:30: Kalejira hasiko dute Arana Kalean.Parte-hartzaileak: Tuntturroak, Musika Eskolako soinu-jotzaileak, Olentzero eta Mari Domingi.

• 18:00: Julian Barrenetxea abesbatzaren jaiotza aterako da kalera, parrokiko abesbatzakoek eta Izarraitz Txistulari Taldekoek parte hartuz.

• 18:00: Plaza Nagusian Olentzeroren eta Mari Domingin ongi etorria eta Itsasiko umeen eskutik aurreskua. Olentzerori abestiak kantatu eta kastainak oparituko dizkiote.

Abenduak 25, asteartea.

• 09:00: Eguberri eguneko meza Frantziskanetan.

• 11:00: Eguberri eguneko meza Esklabatan.

• 12:30: Eguberri eguneko meza parrokian. Juan Antxieta Musika Eskolako txistulariek eta abesbatzak hartuko dute parte.

• 12:30: Azpeitiko Musika Bandaren kontzertua, Sanagustin kulturgunean.

• 13:00-14:00/17:30-20:00: Parrokiko jaiotza zabalik izango da, Errege egunera bitartean.

Abenduak 26, asteazkena.

• 16:00-20:00: Haur parkea, Izarraitz pilotalekuan, hamar urte arte. Sarrera bi euro.

• 20:15: Julian Barrenetxea Abesbatzaren Gabonetako kontzertua, Sanagustin kulturgunean.

Abenduak 27, osteguna.

• 16:00-20:00: Haur parkea, Izarraitz pilotalekuan, hamar urte artekoentzako. Sarrera bi euro.

• 21:30: Azpeitiko Ta3. Zine Klub taldeak antolatuta, Kiseki filma, Soreasun.

Abenduak 28, ostiala.

• 16:00-20:00: Haur parkea, Izarraitz pilotalekuan, hamar urte artekoentzako. Sarrera bi euro.

Abenduak 29, larunbata.

• 12:30: Herriko kirolari onenaren ekitaldia, udaletxean.

• 16:00-20:00: Haur parkea, Izarraitz pilotalekuan, hamar urte arte. Sarrera bi euro.

Abenduak 30, igandea.

• 16:00-20:00: Haur parkea, Izarraitz pilotalekuan, hamar urte arte. Sarrera bi euro.

Abenduak 31, astelehena.

• 07:00: Lagun Onak Mendi Bazkunak Otzaurte, Aizkorri eta Arantzazu mendietara goiz ibilaldia egingo duAzpeitiko plazatik irtenda. Izena, abenduaren 27rako eman behar da, mendizaleen tabernan edo www.lagunonakmb.org webgunean.

Urtarrilak 2, astezkena.

• 16:00-20:00: Haur parkea, Izarraitz pilotalekuan, hamar urte arte. Sarrera bi euro.
  —————————————-

BEIZAMA

Abenduak 22, bihar.

• 17:30: Mari Domingiren etorrera eta txokolate jana.

• Ondoren: Beizamako aterpetxearen inaugurazioa, soinu jotzaileekin.
  ———————————

ERREZIL

Abenduak 24, astelehena.

• Goizean: Gabon eskean irtengo dira eskolako umeak gurasoekin eta gazteak.
  ———————————————

GETARIA

Abenduaren 22a, bihar.

• Eguerdi partean: San Tomas festa, udaletxe aurrean.

• Arratsaldean: Gaztain erreak banatuko ditu Gure Txeruk herriko plazan.

Abenduaren 23a, igandea.

• 19:00: Barrura Begiratzeko Lehioak filma emango dute Eskolako aretoan.

Abenduaren 24a, astelehena.

• Arratsaldean: Herriko taldeak kalez kale kantuan aterako dira.

• 18:00: Olentzero eta Maridomingi iritsiko dira herriko plazara eta bertan zain izango dituzte kantura atera diren taldeak eta herritarrak.

Abenduaren 28a, ostirala.

• Egunean zehar: Xake Txapelketa izango da.

• Arratsaldean: Poker Txapelketa izango da Gaztetxean.

Abenduaren 29a, larunbata.

• 11:00-13:30/16:00-18:30: Haur Parkea jarriko dute herriko frontoian. Eguraldi txarra egiten badu kiroldegian izango da.

Abenduaren 31, astelehena.

• 12:00: San Silbestre lasterketa herrikoia izango da.
  ————————————-

ORIO

Abenduaren 21a, gaur.

• 17:00: Dantza modernoa eta sabel dantza emanaldia izango da, kultur etxean.

• 19:00: Erregeen Kabalgatan izena ematea Ikastolan.

Abenduaren 22a, bihar.

• 10:00: Santioko padura eta Motondo ezagutzeko irteera izango da plazatik aterata. Ondoren, irteera lantzeko tailerra egingo dute kultur etxean.

• 16:30-20:00: Mandala tailerra izango da 4 urtetik gorako haurrentzat kultur etxean.

Abenduaren 24a, astelehena.

• 10:45: Haurrak Gabon kantak abestera irtengo dira Ikastola ondoko plazan hasita.

• 11:00: Tonbola egingo da plazan, Ikastolako DBHko ikasleek antolatuta.

• 17:00: Olertzero eta Maridomingi izango dira Orioko plazan, Arkupek, Txurrumuskik, Orioko Herri Ikastolak, Zaraguetak eta udalak antolatuta.

Abenduaren 26a, asteazkena.

• 17:00: Kandela tailerra Mandalara Taldearen eskutik.

• 17:00: Bikokote antzezlana izango da Ibai Esoain eta Garazi Urretabizkaiaren eskutik Kultur Etxean.

Abenduaren 28a, ostirala.

• 17:00: Kantu, Jantzi eta Jaiotza Lehiaketa egingo dute Ikastolako jolastokian.

• 18:00: Gaztain Jana izango da Ikastolako jolastokian.

• 22:00: Herribil emanaldia izango da, Harribil Dantza Taldea gidari dela.

Abenduaren 31, astelehena.

• 12:00: San Silbestre lasterketa jokatuko da Ikastoa aurretik abiatuta. Izena Karela Kiroldegian eman behar da.

Urtarrilaren 2a, asteazkena.

• 11:00-13:30/16:00- 19:00: Gabonetako Haur Parkea jarriko dute Karela Kiroldegian.
  ——————————————

ZARAUTZ

Abenduaren 21a, gaur.

• 18:30: Haurrentzat txistorra jana egingo da Musika Plazan.

• 11:00-14:00/ 17:00- 20:30: Artisautza Azoka izango da Merkatu Plazan Nahia Zarauzko Artisau Elkartearen eskutik. Hau abenduaren 24a arte izango da zabalik.

• 17:00-20:30: Jaiotza Mugikorren Lehiaketan parte hartu duten lanen erakusta egingo dute Merkatu Plazan. Hau abenduaren 24a arte izango da zabalik.

• 19:30: Iribar: irudia eta eredua liburua aurkeztuko dute Garoa liburu dendan.

Abenduaren 22a, bihar.

• 10:00-14:00: Umeentzat Marrazki Lehiaketa izango da Eroskin.

• 10:00-14:30: San Tomas Azoka izango da Lege Zaharren Enparantzan.

• 12:00: Bisita Gidatua egingo da Talai Berri txakolindegira.

• 12:00: Bisita Gidatua egingo da Rezabal txakolindegira.

• 18:00: Zarauzko Piano-jtzaile gaztetxoen kontzertua emango dute Modelo Zineman.

Abenduaren 23a, igandea.

• 18:00: Pintxo Poteo Berezia izango da Zurekin Elkarteko tabernetan.

• 17:00: Olertzero eta Iratxoen Jauntxoa filma emango dute Modelo aretoan.

• 19:00: Morir de Dia dokumentala botako dute Modelo aretoan.

Abenduaren 24a, astelehena.

• 10:30: Olentzeroren Festa izango da Santuiturri plazan.

• 18:00: Gabon Kantak abestuko dituzte kalez kale.

Abenduaren 25a, asteartea.

• 11:00: Schola Cantorum, Puernatus, Gretchaninov eta Gabon kanten kontzertua izango da Santa Maria La Real parrokian.

• 12:30: Francisco Escudero Maisuaren Jaiotzaren Mendeurrenaren baitan, Zarautz Abesbatzak abestuko du Eguberriko meza berezia Frantziskotarren elizan.

• 12:30: Zarauzko Musika Bandak Kontzertua emango du Merkatu plazan.

Abenduaren 27a, osteguna.

• 11:00-13:30/16:30-19:00: Gabonetako Haur Parkea izango da Aritzbatalde Kiroldegian.

Abenduaren 28a, ostirala.

• 11:00-13:30/16:30-19:00: Gabonetako Haur Parkea izango da Aritzbatalde Kiroldegian.

Abenduaren 29a, larunbata.

• 16:00/18:30: Pirritx, Porrotx eta Marimotots pailazoek Sentitu, Pentsatu eta ekin! ikuskizuna eskainiko dute.

Abenduaren 30a, igandea.

• 10:30: Hondartzako Futbol Txapelketa.

• 19:00: Zimema Dohan izango da Modelo aretoan.

Abenduaren 31, astelehena.

• 18:00: San Silvestre Lasterketa jokatuko da herriko kaleetan.

Urtarrilaren 1a, asteartea.

• 11:30: Schola Cantorum, Puernatus, Gretchaninov eta Gabon kanten kontzertua izango da Santa Maria La Real parrokian.

Urtarrilaren 2a, asteazkena.

• 17:30: Txantxariak umeenzako ikuskizun musikala izango da Aritzbatalde Kiroldegian.
  ——————————————–

ZESTOA

Abenduak 23, igandea.

• 17:00: Zoroperiak II. Esku Pilota Sariko partidak, kiroldegian.

• 19:00: Zestoako Musika Bandaren Gabon kontzertua, elizan.

Abenduak 24, astelehena.

• 18:00: Uztapide plazatik irtengo da Olentzero, Zestoako Herrirak antolatuta.

Abenduak 26, asteazkena.

• 09:00: Zoroperi Eguna.

Urtarrilak 31, astelehena.

• 19:30: Herrirak deituta, elkarretaratzea, plazan.

Urtarrilak 2, asteazkena.

• 10:30-12:30: Txilipurdika aisialdi taldea, sei eta zortzi urte bitarteko haurrentzat.
  —————————————–

ZUMAIA

Abenduaren 21a, gaur.

• 17:00-21:00: Txorizo postuak izango dira Gabonetako Karpan Herri Eskolaren eskutik. Gainera, trikitixak alaituko du giroa.

• 19:00: Kupela taldeak kontzertuak emango du Gabonetako Karpan.

• 21:00: Alondegian Gabon koruen entsegu orokorra.

Abenduaren 22a, bihar.

• 10:00-20:00: Zumaiako 15 dendek Azoka Berezia jarriko dute Gabonetako Karpan; horretaz gain, beste hainbat ekimen eta tailer antolatu dituzte.

• 19:00: Maria eta Jose Aretoan Zumaiako Musika Bandak kontzertua emango du.

• 22:00: Aita Mari Zinema Aretoan Zumaiako Bertso Eskolako bertsolari gazteek saioa emango dute.

Abenduaren 23a, igandea.

• 10:00- 20:00: Zumaiako 15 dendek Azoka Berezia jarriko dute Gabonetako Karpan; horretaz gain, beste hainbat ekimen eta tailer antolatu dituzte.

Abenduaren 24a, astelehena.

• 09:30: Lubaki Kiroldegian Areto Futbol Txapelketa jokatuko dute.

• Eguerdia bitartean: Niño Jesusen Eskea egingo dute.

• 12:30: Olentzerorekin kantuan aterako dira herritarrak Institutu paretik.

• 15:30: Gabon Koruak saioa emango du kalez kale.

• 17:00: Gabon Abestien Lehiaketa izango da Erkibe Kultur Elkarteak antolatuta Aita Mari Aretoan.

• 18:30: Eusebio Gurrutxaga Plazan Jaiotza Ikuskizuna.

• 18:30: Behartsuei laguntzeko dirua biltzeko mahaia jarriko du Caritasek Erribera kalean. Horretaz gain, Kutxako 2101-0174-16-0002773414 eta Euskadiko Kutxako 3035-0037-43-0370038050 kontu zenbakietan ere eman daiteke diru-laguntza.

Abenduaren 26a, asteazkena.

• Goizean zehar: Algorri Interpretazio Zentroan Gabonetako tailerra izango da haurrentzat.

• Egunean zehar: Gabonetako Parkea izango da Gabonetako Karpan.

• 18:00: Erromeria saioa emango du Joxe Mendizabalek Gabonetako Karpan.

Abenduaren 27a, osteguna.

• Egunean zehar: Gabonetako Parkea izango da Gabonetako Karpan.

• 18:00: Beheko Plazan Xake Txapelketa izango da.

• 19:00: Dardarada taldeak tinbalada eta batukada emanaldia emango du.

• 22:00: Aita Mari Zinema Aretoan Zine Foruma izango da eta El Skylab filma botako dute.

Abenduaren 28a, ostirala.

• Egunean zehar: Gabonetako Parkea izango da Gabonetako Karpan.

• 21:00: Beheko Plaza Jatetxean bertso afaria izango da Zumaiako Bertso Eskolak antolatuta.

• 22:00: Aita Marin Cotillas antzezlana emango dute.

Abenduaren 29a, larunbata.

• Egunean zehar: Gabonetako Parkea izango da Gabonetako Karpan.

• 16:00: Dantza Antza Lehiaketa egingo dute Gabonetako Karpan.

Abenduaren 31a, astelehena.

• 12:15: San Silbestre III. Biko Lasterketa Mistoa jokatuko da.

• 13:30: Biko Lasterketako eta Erakusleiho Lehiaketako sariak, Gabonetako Karpan.

Urtarrilaren 2a, asteazkena.

• Egunean zehar: Gabonetako Parkea izango da Gabonetako Karpan.

• 16:00: Zu Abeslari Karaoke Lehiaketa izango da Gabonetako Karpan.

Oro har, zergak eta tasak KPI adina igoko dira datorren urtean, baina Hego Euskal Herriko KPIaren bataz bestekoa; %3,2, zehazki (Gipuzkoakoa %3,1ekoa izan da 2011ko urritik 2012ko urrira; Bizkaikoa %3,3; Arabakoa %2,8; eta Nafarroakoa %3,5). “Nazio ikuspegia” oinarri hartuta erabaki dute hori.

Ohiko etxebizitzak ez direnen jabeek %25eko errekargua ordaindu beharko du Ondasun Higiezinen gaineko Zergan. Eraikinek etxebizitza erabilera dutenean, baina erabiltzen ez direnean (errenta edo lagapena medio) ordaindu beharko da gehigarria. Salbuespenak egongo dira; besteren artean, urtarrilaren 1ean hutsak dauden etxeak baina urtean zehar gutxienez zortzi hilabetez alokairuan emango direnak salbuetsita geratuko dira.

Jarduera Ekonomikoaren Zergari dagokionean, milioi bat eurotik gorako fakturazioa duten enpresek ordaindu beharko dute datorren urtetik aurrera. Orain arte bi milioi eurotik gorakoa zutenek ordaintzen zuten. “Araua Gipuzkoako Foru Aldundiak onartu du, eta udal guztiek bete beharko dute. Getariako Udalaren kasuan, guztiz bat gatoz neurriarekin, herrirako sarrera gehiago lortzeko aukera ematen baitigu”, azaldu du Getariako Udalak.

Tasak ere, oro har, %3,2 igoko dituzte. Baina salbuespenak ere egongo dira. Hondakinagatiko tasa %3,2 izango da sailkatzen dituztenentzat (bosgarren edukiontzi bidez, edo autokonposta nahiz auzokonposta eginez), baina sailkatzen ez dutenek %5eko igoera izango dute. “Sakon aztertuko da tasa hau urtean zehar, portu eremuari, jatetxeei eta soziedadeei arreta jarriz, eta gehien kutsatzen dutenek gehiago ordaindu beharko dute”, azaldu du udalak.

Tasa berriak ere sortu ditu udalak. Grabazio tasa da bat. Telebistak eta produktorak Getariara grabatzera joaten direnean, eguneko 292 euro ordaindu beharko dute. Eta bestea udal jabetzako aulkiak uztegatiko tasa da. 100 aulki arte 40 euro ordaindu beharko da, eta hortik gora, aulki bakoitzeko 0,30 euro. Mahai bakoitzagatik, berriz, bi euro. Udalaren jabetzako materiala udal biltegian jaso eta itzuli beharko da, lantaldearen ordutegian.

Ikurrina igotzen, Getariako udaletxean, Salbatore bezperan (Argazkia: Erun Ortiz)

Egitaraua

12:30etik aurrera izango dira ekitaldi guztiak.

• Goiz eresia izango da Gazte Alaiak” txistulari taldearen eskutik.

• Txalapartariak eta bertsolariak emanaldia eskainiko dute.

• Gaiaren nondik nondik norakoak azalduko zaizkie getariarrei.

• Getariako Musika Bandako eta Getariako Abesbatzako kideekin abesti bat (Hegoak ebaki banizkio) kantatuko da.

• Dantzak, txistulariekin (koreografia eta Ikurrin Dantza).

• Olerkia, Amaia Lasaren eskutik.

• Adierazpen bat.

• Agintari dantza eginez, herritarrekin Ikurrin handia osatuko da.

• Hamaiketakoa.

Getariako Udalak Ikurrinaren Eguna antolatu du iganderako. Espainiako Gobernutik heldu zaion aginduaren aurrean hartutako neurria da. Espainiako bandera udaletxean, fatxadan eta pleno aretoan jartzea «inposatu» dio, udalak azaldu duenez.

Horren aurrean, ikurrina eta haren izaera aldarrikatzeko helburuarekin askotariko ekimenak antolatu ditu. Besteak beste, gertatutakoa azalduko zaie herritarrei, eta horren inguruko adierazpena irakurriko dute. Era berean, agintariek dantza egingo dute eta ikurrina erraldoia osatu. Bertsoak eta kantuak ere izango dira. Eguna borobiltzeko hamaiketakoa egingo dute.

Pasa den azaroan Espainiako bandera udaletxean, fatxadan eta udalbatzar aretoan jartzeko agindu heldu zen Getariako Udalera. Hori egin ezean, alkatea ezgaituko zutela esanez «mehatxu egin» zuen Carlos Urquijok zuzentzen duen Espainiako Gobernu Ordezkaritzak.

Getariako Udalak bide judizialari heltzea baztertu egin zuen orduan, horrek eragin zitzakeen gastuak kontuan izanda, eta bandera jartzea erabaki zuen. «Euskal Herria nazio gisa aitortzen dugunontzat gure ikurrek eta bereziki ikurrinak gure herriaren existentzia, historia, eskubideak eta askatasuna adierazten ditu. Beraz, Espainiako bandera jarraraztea inposaketa da», salatu zuten udaletik. Horri erantzun zabala emateko antolatu dute Ikurrinaren Eguna. Herriko elkarte, entitate, eragile, alderdi politiko zein norbanakoek elkarrekin ospatuko dute euskal izaeraren aldarrikapen eguna.

Alde horretatik, Bertso Eskola, Gazte Alaiak txistulari taldea, Gure Txeruko dantza-taldea, Udal Musika Banda, Herriko Abesbatza, Txalapartariak eta Amaia Lasa eskertu ditu udalak, festa antolatzen laguntzeagatik. Eta herritarrei eta herriko elkarteei balkoietan ikurrina jartzeko eskatu die.

Agindua, beste herrietan ere
Getariako Udalaz gain, eskualdeko beste zenbait herritan ere jaso dute halako eskakizunik. Azpeitiko Udalak, esaterako, 2011eko udaberrian Espainiako bandera eraikin publikoetan jartzeko agindua jaso zuen.Espainikoaz gain, beste hiru bandera jarri zituen epaitegian: Europakoa, ikurrina eta Aldundikoa. Udaletxeko balkoian Espainikoa ez zegoela-eta, Espainiako Estatuko abokatuaren abisua jaso zuen udalak, bandera jar zezan.

Aurtengo apirilean heldu zen, berriz, Urquijoren gutuna Zumaiako Udalera. Horren bidez, 1981ean onartu zuten Banderaren legearen arabera Espainiako bandera jartzeko hilabeteko epea zuela jakinarazi zion. Udalak, ordea, epe horretan ez zuen ezer egin eta ekainean heldu zen erantzuna Espainiako administrazio orokorretik: demanda jarri zion Zumaiako Udalari eskatutakoa ez egiteagatik. Uztailean, epaitegiak espedientea bidaltzeko agindu zion, eta hala egin zuen udalak, baita demandari erantzun ere.

Espainiako administrazioak Zumaiako alkate Iñaki Agirrezabalagaren testigantza jasotzeko eskatu zuen gerora, baina epaileak atzera bota zuen. Epailaren ondorioen zain dago auzia. Udal Gobernutik jakinarazi dute «ahal den bitartean» errekurtsoak aurkezten jarraituko dutela, eta Espainiako Gobernuari Euskal Herriaren izatea aitortu eta erabakitzeko eskubidea errespeta dezan exijituko diola.

Jan-edanaz gozatzeko aukera izango da bihar Zumaian eta Getarian, eta bide batez elkartasun keinuak egitekoa ere bai

Txistorra eta taloaren festa handia Azpeitian egingo badute ere, Urola Kostako gainontzeko txokotan ere izango da zer ospatua bihar, San Tomas egunean. Izan ere, Zumaiako Alai auzoan zein Getarian ekitaldi bereziak antolatu dituzte egun horretarako. Azken horretan, elkartasuna eta festa uztartuko dituzte, gainera. Gaglo gaztelekuko hezitzaileek jakinarazi dutenez, «egun berezi hau aprobetxatuz», Elkartasun Eguna ere ospatuko dute. Interesa dutenek «opari solidarioak» egin ditzakete. Horien truke txistorra pintxoa jasoko dute herritarrek, doan.
Apurtutako jostailurik ez dutela onartuko ohartarazi dute gaztelekutik. 18:00etatik aurrera eman ahalko dira etxean erabiltzen ez diren opariak.

Alai auzoan, giro alaian
Alai kultur elkarteak, «festa giroa» nagusitzeko asmoarekin, hainbat ekimen antolatu ditu auzoan Santo Tomas egunerako. Goizetik gauera arte hainbat ekimen izango da, adin guztietako herritarren gozagarri. 11:00etan zabalduko dute auzoko txosna, eta bertan salgai izango dira txistorra eta edaria. Salmentetatik ateratako dirua Aspanogi Gipuzkoako haur minbizidunen gurasoen elkarteari emango diete.

Musika ez da faltako, ezta ikuskizunak ere. Arratsaldean, esaterako, Potxin eta Patxin pailazoen saioa izango da, eta jarraian, Ianire Bracamontek dantza erakustaldia eskainiko du, bere ikasleekin batera. Eguna borobiltzeko Bertso poteo alaia egingo dute eta festak 23:00ak arte iraungo du, gutxienez. Antolatzaileek herritarrak ekimenetan parte hartzera animatu dituzte eta «ahal duten guztiei baserritar jantziarekin» bertaratzeko eskatu.

Egitaraua

Getaria

• 18:00. Elkartasun Eguna ospatuko dute getariarrek, San Tomas Eguna aprobetxatuz.   Nahi duenak   bere opari solidarioaren truke txistorra pintxo bat jasoko du, herriko plazan. Ez dute apurtutako jostailurik onartuko.

Zumaia

• 11:00. Alai auzoko txosna zabalduko dute. Txistorra eta edatekoa izango da salgai bertan. Salmentetatik ateratako dirua Aspanogi Gipuzkoako haur minbizidunen gurasoen elkarteari emango diote.

• 12:00. Triki poteoa, Alai auzoan.

• 17:00. Potxin eta Patxin pailazoek ikuskizuna eskainiko dute, Alai auzoan.

• 18:30. Ianire Bracamonte dantzariak bere ikasleekin dantzaldia eskainiko du, Alai auzoan.

• 19:30. Alai auzoko tabernetan triki bertso poteo alaia egingo dute. Musikak 23:00ak arte iraungo du.

2012ko aurrekontuak egiterakoan, getariarrak informatzeko ahalegina egin zuen udalak: urrekontuak nola osatzen diren, ze kapitulu dituzten, bete beharreko baldintzak zein diren azalduz, eta behin-behineko zein behin betiko aurrekontuak publikoki aurkeztuz. Aurten sakondu egin nahi dute bide hori.

“Guretzat zinez garrantzitsua da ematera goazen urratsa. Baina, era berean, kontziente gara urte batetik bestera ez dugula lortuko herritar kopuru handi baten parte hartze ordenatua”, azaldu du Udal Gobernuak. “Bidea egiten ikasiko dugu, eta urtetik urtera akatsetatik ikasten eta prozesua hobetzen joango gara”.

Egutegia:

Abenduan: Prozesuaren aurkezpen orokorra.

Urtarriletik martxora: bilera irekiak:

1. Kirola-Kultura
2. Euskara-Hezkuntza-Gazteria
3. Hirigintza-Zerbitzuak
4. Gizarte Ongizate
5. Ingurumena
6. Turismoa
7. Auzoak 1: Mia eta Eitza (auzoan bertan bilera)
8. Auzoak 2: San Prudentzio eta Askizu (auzoan bertan bilera)
9. Udal langile eta teknikoekin bilerak (bere arloko proposamenak, barne antolamendua, funtzionamendua).

Otsailean: Behin-behineko aurrekontuen aurkezpen publikoa.

Martxoan: Behin betiko aurrekontuen aurkezpen publikoa.

Ion Fizek hamar urtetik gora darama diseinatzaile gisa lanean, eta irakaslea ere bada, IED Istituto Europeo di Design zentroko Moda Diseinuko Master Trinkoan, esaterako. Oraingoan, Fizek hitzaldi bat emango du museoko hall-ean, ikasle gutxi batzuen aurrean. Patroigintza eta joskintzako oinarrizko printzipioak irakatsi nahi dizkie ikasleei.