Urola Kostako Hitza

Meagarrak astebukaera honetan hasiko dira sanisidroak ospatzen

Getaria Aurten, lehen urtez, Ardi Zakurren Lehiaketa antolatu dute; igande arratsaldean izango da, 18:00etatik aurrera

A. mutiozabal

San Isidro Eguna datorren osteagunean bada ere, maiatzaren 15ean, Meaga auzoko bizilagunek asteburu honetan ospatuko dituzte jaiak. Gaur gauean, suziriak bota eta ikurriña altxa ondoren, mus txapelketa jokatuz hasiko dituzte sanisidroak.

Gainerako egunetan, besteak beste, oilasko biltzea, bertso afaria, pilota partida, paella lehiaketa eta trikitilariak izango dira. Aurten, gainera, igande arratsaldean jokatuko den Ardi Zakurren Lehiaketa antolatu dute estreinakoz.

Bestalde, datorren ostegunean, auzoko jai batzordeak Josefina Azkue omenduko du.

############

egitaraua

Gaurtik hasi eta datorren osteguna bitartean ospatuko dituzte jaiak.

Maiatzak 9, gaur

21:30ean. Suziria bota eta ikurriña altxatuko dute.

22:00etan. Auzokideen Mus Txapelketa.

Maiatzak 10, bihar

Goizean zehar. Oilasko biltzea.

17:00etan. Haurrentzat ekitaldia: Gorriti eta bere abereak, goxokiak, txokolatea eta opilak.

21:00etan. Bertso afaria. Bertsolariak: Mantxi, Arano eta Julen.

00:00etan. Erromeria, Izer eta Alabier trikitilarien eskutik.

Goizaldean. Txokolatea, opilak eta jolasak.

Maiatzak 11, etzi

11:30ean. Meza.

12:00etan. Sagardo Eguna: Izer eta Alabier trikitilariak, Gure Txeru elkarteko haur dantzariak eta Arano eta Julen bertsolariak.

Ordu berean. Binakako Pilota Partida: Joseba eta Eneko Kajuategi bikotea Josu Iribar eta Uraitz Etxeberria bikotearen aurka.

12:45ean. Paella Lehiaketa.

14:30ean. Paella Lehiaketan prestatutakoarekin bazkaria.

Ondoren. Toka txapelketa.

18:00etan. Ardi Zakurren I. Lehiaketa.

Maiatzak 15, osteguna San Isidro Eguna

11:30ean. Meza.

Ondoren. Josefina Azkueri omenaldia, Txakolin Festa, Alaitz eta Olatz trikitilariak eta adinduen omenez bazkaria.

21:00etan. Ezkonduen afaria.

00:00etan. Erromeria, Alaitz eta Olatz trikitilarien eskutik. Jaien aldeko zozketa egingo dute Artelatz elkartean.

############