Urola Kostako Hitza

Aldundia kostaldeko zenbait horma konpontzen hasiko da

Getaria Martxoko ekaitz batek kalteak eragin zituen kostako errepide zati batean eta 225.000 euro kostatuko da konpontzea

o. lete

Martxoan, ekaitzak eragindako itsasoaldiak Getaria pareko kostaldeko horma zati bat txikitu zuen, eta Gipuzkoako Foru Aldundiak adierazi duenez, hura berehala konpontzen hasiko da «presazko prozedura administratiboaren bidez».

Konponketa lan horiek egiteko 225.000 euroko aurrekontua ezarri du, eta lanak hasten direnetik hilabete baten buruan amaituta egotea aurreikusi du. Ekaitzak eragindako kalteak ebaluatzeko eta konponbidea diseinatzeko azterketa teknikoa eginda dagoela gaineratu du Aldundiak.

Kalte handiak eragin zituen

Ekaitzak eragindako itsasoaldiaren ondorioz, tuneletako zutabe batzuk hondatu egin ziren, sbaita kostaldeko horma zati bat ere. Horma hori itsaslabarretik ateratako arrokaz egina zegoen eta zenbait tokitan kaltetuta dagoenez, berreraiki egin beharko da.