Urola Kostako Hitza

Bere elkartean lapurtzen saiatzeagatik atxilotua

getaria 38 urteko gizonezko bat atxilotu zuen Ertzaintzak atzo goizean, ustez Sahatsaga kaleko elkarte batean lapurreta egiten saiatzeagatik; atxilotua elkarteko bazkidea da. Goizeko 02:20 aldean norbanako batek Ertzaintzari deitu zion, elkartetik zaratak entzuten zirelako eta norbait lapurretan ari zelako susmoa zuelako. Ertzainak bertaratu zirenean, atxilotua aurkitu zuten elkartean; bulegoko atea eta kutxa gotorra zartatuta zeuden, eta sarrailak ateratzeko makina profesional bat zegoen. Gainera, atxilotuaren jertsean elkarteko bi txeketegi aurkitu zituzten.