http://getaria.hitza.info

Josefina Azkue bizilaguna omendu dute Meagako sanisidroetan

15 May 2008 14:07:18 GMT

Santuaren irudiarekin prozesio labur bat egin ostean, meza ospatu dute meagarrek auzoko ermitan. Elizkizunean zehar, gainera, Getariako abesbatzak parte hartu du kantuan eta, kanpoaldean, antolatzaileek suziriak bota dituzte. Saioa bukatu eta bizilagunak elizatik atera bezain pronto, Alaitz eta Olatz trikitilariak egun handia animatzeari ekin diete. Trikiti doinuari jarraiki, jendeak jateko eta edateko parada izan du, Jai Batzordeak antolatutako Txakolin Festan. Edalontzi zabala 3 euroren truke erosita, nahi adina txakolin dastatzeko aukera izan dute auzora gerturatu direnek. Baita jaietarako espeski hildako txerriaren haragiz egindako pintxoak jatekoa ere. Ermitaren kanpoaldeko zelaian bilduta, eguraldi eguzkitsua aldeko, lagunartean pasatu dute goiz partea. Bitarte horretan, era berean...

IX. La Gaviota bela estropada jokatuko dute larunbata eta igandea bitartean

29 Apr 2008 12:39:25 GMT

Getariako Kostabela bela elkarteak datorren larunbatean jokatuko den IX. La Gaviota estropada aurkeztu du gaur goizean, Getariako Balearri jatetxean. Guztira, 30 bat ontzik parte hartuko dute 50 milako ibilbidea duen bela lasterketan; parte-hartzaileek Bermeoko La Gaviota plataformara joan etorria egin beharko dute, abiapuntua eta helmuga herriko kirol portua izanik. Aurkepen ekitaldian Kostabelako lehendakari Salba Manterolak, elkarte bereko Kruzero saileko arduradun Jexux Iturriozek eta Getariako alkate Andoni Aristik parte hartu dute....

Indaux lantegian ustezko maula bat izan den ikertzen ari dira Azpeitiko epaitegian

24 Apr 2008 11:30:03 GMT

Ustezko bidegabeko jabetze bat izan da Indaux lantegian eta gertatua Azpeitiko epaitegitik ikertzen ari dira. Antza denez, enpresa getariarra duela urtebete konturatu zen aipatutako irregulartasunak izan zirela eta horien atzean ordungo finantza zuzendari Ramon Jose A.E. egon zitekeela. Enpresak justiziaren esku utzi zuen kontua eta ikerketaren lehen fasea bukatu zutenean, finantza zuzendaria eta hainbat kolabaoratzaile atxilotu zituzten. Ustezko erruduna Donostiako Martutene espetxean dago egun, preso prebentibo gisa; gainerako inplikatuak kalean daude behin-behineko askatasunarekin. Indaux lantegiko arduradunek ez dute adierazpenik egin nahi izan, baina euren webgunean (www.indaux.com) komunikatu bat jarri dute gaur, Grupo Indauxeko zuzendari nagusi Enrique Rioja Iribarrenek sinatuta. Be...

Jokin Argote, pilotaria: �Lan handia egin dut, eta egindako lan hori bere fruituak ematen ari da orain�

13 Mar 2008 11:25:41 GMT

Bigarren urtez jarraian, bigarren mailako binakako txapelketako finala jokatuko du pilotari meagarrak Aste Santuko larunbatean, martxoaren 22an, Iru�ean. Hona hemen Argoteri egindako elkarrizketaren aurrerapena....

Ane Lazkanoren irudiak irabazi du Iturzaetako Herri Eskolaren 25. urteurreneko logotipo lehiaketa

04 Mar 2008 13:51:11 GMT

Iturzaetako Herri Eskolaren 25. urteurreneko logotipoa aukeratu dute jada. Lehen Hezkuntzako 5. mailako Ane Lazkanoren irudia erabiliko dute urteurreneko ospakizunetarako. Epaimahaia Getariako Guraso Elkarteko hiru kidek, Iturzaeta eskolako hiru ordezkarik, Artzape aldizkariko kide batek eta Manuel Fernandes artistak osatu dute eta guztira, 46 lana aurkeztu dira lehiaketara. Apirilaren 18an aurkeztuko dute logotipoa; ekitaldi horretan, era berean, urteurreneko ereserkia joko dute estreinakoz....

Ia 4.500.000 euroko aurrekontua izango du Udalak aurtengo ekitaldirako

28 Feb 2008 13:56:21 GMT

Udalaren 2008 ekitaldiko aurrekontu bateratua onartu zuten atzo arratsaldean, premiazko izaera zuen ezohiko bilkuran. Honek Udal Gobernua osatzen duen EAJ alderdiaren aldeko sei boto jaso zituen; Aralarreko bi zinegotziek, aldiz, ezezkoa bozkatu zuten. Ekitaldi berriak 4.432.553 euroko aurrekontua izango du, eta horietatik 1.278.362 euro inbertsioetara bideratuko dute....

Balentziaga Fundazioaren estatutuak aldatu dituzte, Kultura Ministerioak hala eskatuta

20 Feb 2008 11:02:18 GMT

Kultura Ministerioaren eskaerari erantzunez, Balentziaga Fundazioak erakundearen estatutu berriak onartu zituen herenegun Madrilen. Estatutu berriek fundazioaren osaketa moldatuko dute, eta gutxienez 5 kidez eta gehienez 16 kidez osatuta egongo da. Era berean, fundazioaren patronatua ere goitik behera aldatuko dute, eta Eusko Jaurlaritzak eta Gipuzkoako Foru Aldundiak 3 ordezkari izango ditu guztira....

Iturzaetako ikasleak inauteriak ospatzen hasi dira

01 Feb 2008 15:28:10 GMT

Getariako Iturzaeta herri eskolako haurrek inauterietako jaia ospatzen ari dira une honetan Sahatsaga kiroldegiaren kanpokaldean. Duela gutxi desfilea egin dute eta jarraian jokoak egingo dituzte. Ekitaldia biribiltzeko txokolate jana izango dute. ...

Balentziaga Museoko eraikitze lanak interes berezikotzat jotzea onartu dute udalbatzarrean

31 Jan 2008 11:39:33 GMT

EAJren alde 6 botoekin, Balentziaga Museoaren eraikuntza lanak interes berezikotzat izendatu zituzten atzo iluntzean egindako ohiko bilkuran. Proposamena bera Berroeta Aldamar elkarte publikoak aurkeztu du, eta bere onarketarekin %80 hobaria jasoko luke lanak egiteagatik ordaindu beharreko zergetan: aurrekontuaren %4 litzateke zergaren zenbateoa,baina interes berezikotzat izendatuta zergaren %20 ordaindu ordainduko luke....

Arrantzaren etorkizuna, hizpide

30 Jan 2008 11:55:42 GMT

'Gure arrantza defenda dezagun' lelopean antolatutako mahai-inguruan parte hartu zuten astearte arratsaldean Getariako Kofradiako lehendakari Emeterio Urrestik eta LABeko arrantza ordezkari Leo Belaustegik. Ekitaldia Alondegian izan zen eta moderatzaile lanetan, bien bitartean, Bartolo Iribar aritu zen....